Трент “Реал”да севимли рақамидан воз кечади

“Ливерпуль” билан Англия чемпионлигига эришган Трент Александер-Арнольд фаолиятини Мадриднинг “Реал” клубида давом эттирадиган бўлди.

Мадрид суперклубида англиялик ҳимоячи ўзи ёқтирган 66-рақамни алмаштиришига тўғри келади.

Чунки Ла Лига регламенти бўйича жамоа ўйинчилари ўзларига бирдан 25 гача бўлган рақам танлаши мумкин.

Трент фаолияти давомида 2, 15, 17 ва 18-рақамлар остида ҳам тўп тепган. Бироқ “Реал”да бу рақамларнинг бари банд. Энди машҳур ҳимоячи ўзига бошқа рақам танлайди.