Туғилган кунга "ажойиб" совға

"Реал" ярим ҳимоячиси Жуд Беллингем иккита ўйинга дисквалификация қилинди.

Ла Лиганинг 27-турида мухлислар "Валенсия" - "Реал" қарама-қаршилигига гувоҳ бўлишди (2:2). "Қироллик клуби" аъзоси Беллингем учрашув сўнгида бош ҳакам Хил Мансонинг ҳуштагидан сўнг боши билан рақиб дарвозасини ишғол қилди. Табиийки бу гол инобатга олинмади ва шундан сўнг англиялик хавбек ҳакамга "ташланди". 

"Relevo" нашри хабарига кўра, Жуд Ла Лига тартиб-интизом қўмитаси томонидан иккита ўйинига дисквалификация қилинди. Бундан ташқари, ярим ҳимоячи 600 евро жаримага тортилди.

Шу тариқа, Беллингем "Сельта" ва "Осасуна"га қарши ўйинларни ўтказиб юборади.