Туркия Суперлигасининг 20-турдан кейинги турнир жадвали билан танишинг

Туркия Суперлигасининг 20-тур учрашувлари якунига етди.

Турнинг марказий баҳсида Элдор Шомуродов ва Аббосбек Файзуллаев тўп тепаётган "Истанбул Башакшехир" жамоаси ўз уйида Ҳусниддин Алиқулов ҳаракат қиладиган "Ризеспор" жамоасига қарши баҳс олиб борди. Шомуродов ўйинда ҳисобни очганига қарамай, якунда жамоалар муроса кўчасини танлашди 2:2. Чемпионат етакчиси "Галатасарой" бу турда ўз уйида "Кайсериспор"га қарши баҳс олиб борди ва йирик 4:0 ҳисобида зафар қучди. Турнинг сўнгги ўйинида юлдузларни таркибига йиғишда давом этаётган "Фенербахче" сафарда "Кожаэлиспор" меҳмони бўлиб муҳим ғалабани қўлга киритди. Тур якунларига кўра, "Галатасарой" 49 очко билан жадвалда етакчилик қилмоқда. "Фенербахче" 46 очко билан иккинчи, "Трабзонспор" эса 42 очко билан учинчи поғонани банд этиб турибди. Ҳамюртларимиз тўп тепаётган "Башакшехир" 6-ўринни эгаллаб турган бўлса, "Ризеспор" 12- поғонада жойлашган. 

Маълумот учун, 21-тур баҳсларига 7 февраль куни старт берилади.