Turkiyada Shomurodov bu borada tengsiz!

Turkiya Superligasining joriy mavsumi yakuniga yetib bormoqda. Hamyurtimiz toʻp tepadigan "Istanbul Boshakshehir" soʻnggi 34-turda "Gaziantеp"ni 2:1 hisobida magʻlub etdi. Ushbu uchrashuvda Eldor Shomurodov gol urgan boʻlsa, Abbos Fayzullaev assist qayd etdi.

Shomurodov uchun mavsum qanday oʻtdi?

Eldor uchun Turkiyaga moslashish oson kechdi. U jamoaga kelishi bilan asosiy yetakchilardan biriga aylandi va deyarli barcha oʻyinlarda maydonga tushdi.

Hujumchi mavsum davomida 34 ta uchrashuvda 22 ta gol va 5 ta assist qayd etdi. Natijada u “gol + assist” tizimida 27 ta samarali harakat bilan katta ustunlikka ega boʻldi.

Shuningdek, Shomurodov jami 2928 daqiqa maydonda harakat qildi va oʻrtacha har 108 daqiqada gol urish yoki assist qilish samaradorligini koʻrsatdi.

UEFA Konferensiyalar ligasi doirasida u 6 ta oʻyinda 1 ta golli uzatma berdi. Turkiya kubogida esa 4 ta uchrashuvda 1 ta gol muallifi boʻldi.

Toʻpurarlik poygasi

Maʼlumot uchun, u Superligada toʻpurarlik uchun kurash olib bormoqda. Shomurodov va Pol Onuachu har biri 22 tadan gol urib, toʻpurarlik poygasida peshqadamlik qilmoqda. Keyingi oʻrinlarda esa Andreson Taliska (19 ta gol), Viktor Osimxen (15 ta gol) va Muhammad Baio (15 ta gol) bormoqda.

Agar hamyurtimizning raqobatchilari soʻnggi turda gol kiritса, u “Oltin butsa”ni qoʻlga kiritish imkoniyatini yoʻqotishi mumkin.