Тухель Англия терма жамоасида ҳали ҳеч қайси мураббий қайд этмаган натижага эришди

Англия терма жамоаси бош мураббий Томас Тухель "уч шерлар" тарихида биринчи бўлиб ушбу лавозимдаги дастлабки беш ўйинда бирорта ҳам гол ўтказмасдан ғалаба қозонди. Бу ҳақда X ижтимоий тармоғида Opta статистик портали хабар бермоқда.

52 ёшли Тухель Англия терма жамоасидаги фаолиятини 2025 йилнинг январида бошлаган. Унинг қўл остида жамоа 2026-йилги Жаҳон чемпионати Европа саралашида бешта ўйин ўтказиб, Албания, Латвия, Сербия ва икки марта Андорра билан ўйнади. Ушбу учрашувлардаги умумий ҳисоб 13:0.

Эслатиб ўтамиз, Тухель Англия терма жамоасини 2025 йилнинг 10 июнь куни Сенегалга қарши ўртоқлик ўйинида ҳам бошқарган. Ўшанда инглизлар 1:3 ҳисобида мағлуб бўлганди.