Тухель энг муҳим ўйинчи кимлигини айтди

“Челси” бош мураббийи Томас Тухель жамоанинг янги аъзоси Калиду Кулибалининг жуда муҳим ўйинчи эканини тан олди.

- Мен Калидуда “Челси”дек катта клуб етакчисига айланиш учун жуда кўп устунликлар борлигини кўряпман. У биз учун ўта муҳим ўйинчи эканига шубҳа йўқ, - деди Томас Тухель.

31 ёшли Калиду Кулибали “Наполи”дан 38 миллион еврога трансфер қилинди. Унинг неаполликлар билан шартномаси тугашига бир йил қолганди.

Кулибали Сенегал терма жамоасининг Африка Миллатлар кубогида ғолиб чиқишига катта ҳисса қўшган футболчи ҳисобланади.