Тухель: Жамоамнинг ўйинига ошиқ бўлдим

Томас Тухелнинг фикрича, "Бавария" "Манчестер Сити"дан мағлуб бўлишга лойиқ эмасди. 

Мюнхен клуби Чемпионлар лигаси 1/4 финали илк учрашвида "шаҳарликлар"га 0:3 ҳисобида имкониятни бой берди.

"Натижага умуман қўшилмайман. Биз яхши ўйнаб турган пайтимизда жазоландик. Ҳисоб 0:2'га етгунча қадар жамоам яхши ўйнаётгандек туюлди. Ҳисобга ортиқча тўхталиб ўтиш ниятим йўқ.  

Ўйлайманки, камида битта гол уришга ҳақли эдик. Футболчиларимизга бироз ишонч ва тайёргарлик етишмади. 

Албатта, натижа биз учун оғир. Бироқ бугун жамоамга ва йигитларимнинг ўйинига ошиқ бўлдим. Гарчи, бу ғалати туюлса ҳам", - деди "Бавария" устози.