У Роналдунинг соясида юрган экан

УЕФА Чемпионлар лигаси ярим финалининг биринчи учрашувида “Реал” ҳужумчиси Карим Бензема “Челси” дарвозасини ишғол қилиб, жамоасини мағлубиятдан қутқариб қолди

Бу франциялик тўпурарнинг ушбу турнирдаги 71-голи сифатида қайд этилди ва у бу кўрсаткич бўйича мадридликларнинг собиқ ҳужумчиси Раулга тенглашиб олди.

Таъкидлаш жоизки, Карим Бензема Криштиану Роналду “Реал”ни тарк этгунга қадар унинг соясида қолиб кетган экан. Португалиялик юлдуздан кейин Карим мадридликларнинг асосий тўпурарига айланди ва гол уриш бўйича қатор рекордларни ўрната бошлади.

УЕФА Чемпионлар лигасининг энг яхши тўпурари  ҳамон Криштиану Роналду ҳисобланади. Унинг ҳисобида 134 та аниқ зарба бор. Кучли учликдан Лионель Месси (120) ва Роберт Левандовски (73) жой олган.