Уч нафар суперфорвардга “ов” бошланди

Нуфузли манбалардан Caught Offside нашрининг маълум қилишича, Лондоннинг “Арсенал” ва “Челси” каби қудратли клублари жаҳон миқёсидаги тўпурар ҳужумчиларни ўз сафига қўшиб олиш учун ўзаро рақобатга киришди.

Ҳар икки клуб нишонда уч нафар ҳужумчи бор. Бу борада манфаатлар тўқнашуви юзага келмоқда.

Англия грандлари қуйидаги уч форвардни Премьер-лигага кўчириб келмоқчи:

Александр Исаак (“Ньюкасл”) – 14 та учрашувда 6 та гол

Виктор Осимхен (“Наполи”, “Галатасарой”да ижарада) – 12 та учрашувда 9 та гол

Душан Влахович (“Ювентус”) – 16 та учрашувда 9 та гол.

Бу клублар “Спортинг”да тинимсиз гол ураётган Виктор Дьёкерешни ҳам нишонга олган эди. Бироқ швед ҳужумчиси ўзи шу даражага кўтарган Рубен Аморим ортидан “Манчестер Юнайтед”га ўтишга мойиллик билдирмоқда.