УЕФА Гринвудга нисбатан текширув бошлади

«Фенербахче» ҳужумчиси Мэйсон Гринвудга нисбатан УЕФА томонидан интизомий иш очилди. Бу қарор Чемпионлар лигаси плей-офф босқичи жавоб учрашувида «Лион»га қарши ўйиндан сўнг содир бўлган воқеалар ортидан қабул қилингани ҳақида Daily Star хабар берди.

Интизомий текширув фақат Гринвуд билан чекланмайди. УЕФА ярим ҳимоячи Маттео Гендузи ва «Фенербахче» клубининг ўзига нисбатан ҳам иш қўзғатган. Францияда бўлиб ўтган ўйинда турк жамоаси 2:1 ҳисобида ғалаба қозонди, шунинг ортидан стадионда оммавий тўқнашувлар юзага келди.

Маълумотларга кўра, якуний ҳуштакидан сўнг Гринвуд можаро марказида қолган. Шу пайтда «Лион»нинг бир неча мухлиси «Фенербахче» футболчилари ғалабани нишонлаётгани чоғида майдонга тушишга уриниб, вазият янада кескинлашган. Гендузи эса француз клуби ишқибозларини қўзғатган, уларни провокация қилган, деган айбловлар билан юзма-юз турибди. Жанжал фақат майдондагина эмас, балки стадионнинг ички йўлакларида ҳам давом этган ва бу ерда ҳар икки жамоа вакиллари иштирок этгани айтилмоқда.

Эслатиб ўтамиз, Гринвуд июль ойида «Марсель»дан «Фенербахче»га ўтган ва тўрт йиллик шартнома имзолаган.