УЕФА режасини ўзгартирмайди

"Европа чемпионати-2021" баҳслари олдин режалаштирилганидек, 12 та шаҳарда ўтказилади. Independent нашрига кўра, ушбу масала бўйича УЕФА режаларига ўзгартириш киритмоқчи эмас.

Ташкилот турнирни битта ёки бир қанча давлатларда ўтказиш бўйича билдирилган таклифга рад жавобини бериши мумкин. Қайд этилишича, бир ўйинда стадион сиғимига қараб, 25 фоиз мухлис киритилади ва мезбон шаҳарлар номи кейинроқ маълум қилинади.

Эслатиб ўтамиз, "Евро-2020" баҳслари ўтган йил ёзида бўлиб ўтиши керак эди, бироқ коронавирус пандемияси сабаб чемпионат 2021 йил ёзига кўчирилди.