UFC sobiq jangchisi: "Iliya Topuriya "stoyka"da Islom Maxachevni ezib tashlaydi"

UFC sobiq jangchisi Josh Tompson promoushen yulduzlari Islom Maxachev va Iliya Topuriya o‘rtasidagi ehtimoliy jang haqida gapirdi.

"Bahs "stoyka"da o‘tishidan qo‘rqaman. Bu Islom uchun juda xavfli. To‘g‘ri, u oyoq zarbalari bilan Iliyani o‘ziga yaqinlashtirmasligi mumkin, biroq  Maxachev raqibining bo‘ynidan ushlab olishga harakat qilganida, uning iyagi ochiladi. Topuriya esa aynan shunday vaziyatlarni kutadi. Iliya engil vazn chempionini ezib tashlaydi, deb o‘ylayman" - dedi amerikalik "Weighing In" podkastida.

Eslatib o‘tamiz, Maxachev oxirgi jangida Renato Moykanoni 1-raunddayoq sabmishn orqali mag‘lub etgandi.