Уго Льорис МЛС клубига ўтиш арафасида

Жароҳат олиб, узоқ муддатга сафдан чиққан ва "Тоттенхэм"даги ўз ўрнини йўқотиб қўйган Уго Льориснинг кейинги манзили деярли аниқ бўлди. 

Франциялик посбон МЛСнинг "Лос-Анжелес Гэлакси" клуби билан музокаралар ўтказмоқда, дея хабар берди "Daily Mail" нашри. "Шпорлар" эса бу трансферга рози бўлган. 

Эслатиб ўтамиз, Льорис 2012 йилдан бери "Тоттенхэм" шарафини ҳимоя қилиб келмоқда. У клуб таркибида сўнгги марта 23-апрель куни "Ньюкасл"дан учралган шармандали мағлубиятда майдонга тушган.