"Уимблдон". 20 ёшли Алкарас қарийб 5 соат давом этган финалда Жоковични мағлуб этди

Теннис бўйича "Катта дубулға" туркумига кирувчи "Уимблдон" мусобақасининг эркаклар ўртасидаги баҳсларида финал учрашуви бўлиб ўтди.

Унда тажрибали Новак Жокович ҳамда тобора ёрқинроқ порлаётган Карлос Алькарасга қарши кортга чиқди. 4 соату 42 дақиқа давом этган баҳс испаниялик ракетка устасининг 5 сетдаги драматик ғалабаси билан якунланди, 1:6, 7:6(8:6), 6:1, 3:6, 6:4.

Шу тариқа, 20 ёшли испаниялик теннисчи фаолияти давомидаги иккинчи "Улкан тож"ини қўлга киритди. У бундан аввал 2022 йилги Америка очиқ чемпионатида зафар қучганди.