Улуғбек Бақоев: "Бугун бизнинг кунимиз эмас экан"

"Қўқон-1912" - "Бухоро" (1:0) ўртасидаги ўйиндан сўнг меҳмонлар бош мураббийи Улуғбек Бақоев матбуот анжуманида иштирок этди. 

- Биринчи бўлимда бизда ҳеч нарса ўхшамади. Ёмон ўйнаб ютқазиш мумкин, лекин бундан фарқли. Иккинчи бўлимда ҳужумкорликка интилдик. Бироқ бугун бизнинг кунимиз эмас экан. "Қўқон-1912" жамоасини ғалаба билан табриклайман. Ҳоҳиш, иштиёқ уларда юқорироқдек кўринди.

- Биринчи бўлимнинг ўзида иккита алмаштиришни амалга оширдингиз. Бу асосий таркибни танлашдаги хатолик билан боғлиқми?

- Биринчи бўлимда рақиб кўпроқ урғу бераётган ва хатолар кузатилаётган чизиқларда ўзгаришлар қилдик. Бу ўзгаришлар иккинчи бўлимни ҳам кўзлаб амалга оширилди.

- Кўп вазиятларда ҳакамликдан норози экандек кўриндингиз ...

- Йўқ, бу ўйин эмоциялари билан боғлиқ. Менда ҳакамлик юзасидан эътироз йўқ.