Умарбек Эшмуродов Эронга борадими?

Бугун Ўзбекистон терма жамоаси "Жар" стадионида Эронга кетиш олдидан сўнгги машғулотларни ўтказди. Вакилларимиз тўлиқ таркибда машғулот олиб борди. Туркманистонга қарши учрашувда жароҳат олган Умарбек Эшмуродов ўз фикрлари билан ўртоқлашди. У бугун ҳам якка тартибда машғулот олиб борди. 

"Туркманистон билан ўйинимиз яхши бўлди. Бизда гол уриш учун жуда кўп имкониятлар бўлди ва максимал фойдаланишга ҳаракат қилдик. Гуруҳдан чиққан бўлсак ҳам, йигитлар жиддий ёндашишди ва ғалаба қозондик. Энди Эронга қарши тайёргарлик бошлаганмиз. Ушбу учрашувга ҳам худди шундай жиддий таёрланяпмиз. 

Жароҳатим ҳақида гапирадиган бўлсам, шифокорлар билан маслаҳатлашяпмиз. Кундан-кунга яхшиланяпти. Бугун ҳам якка тартибда машғулот олиб бораман. Ҳозирги режага кўра, Эронга бораман. Бироқ ҳаммасини мураббий ва шифокорлар билан маслаҳатлашганимиздан сўнг аниқ бўлади", - деди Эшмуродов.