Umarovning goli "Ordabasi"ni mag‘lubiyatdan qutqarib qoldi

Qozog‘iston chempionati 18-turidan o‘rin olgan "Ordabasi" - "Aktobe" bahsi yakuniga etdi.

"Ordabasi" safidagi ikki legionerimiz Jasur Yaxshiboev va Shaxboz Umarov o‘yinni asosiy tarkibda boshladi. 

O‘yinning 13-daqiqasida "Aktobe" tarkibidagi Sebalos hisobni ochgan holda jamoasini oldinga olib chiqdi. 72-daqiqaga kelib esa yurtdoshimiz Shaxboz Umarov raqib darvozasini ishg‘ol etdi va kuchlarni tenglashtirdi. 

O‘yin yakuniga qadar hisob saqlanib qoldi va jamoalar bir ochkodan qo‘lga kiritishdi.