Умтити "Барселона"га ўз хизматини таклиф қилди

Самюэль Умтити фаолиятини "Барселона"да давом эттириш ниятида. 

Жорий мавсумда 29 ёшли ҳимоячи "Лечче" сафида ижара асосида тўп тепаётганди. У Каталония клубига қайтишни режалаштирмоқда. "Барселона" молиявий қийинчилик даврида футболчи сотиб ололмаса, француз ўз хизматини "кўк-анорранглилар"га таклиф қилади. 

Тахминларга кўра, "Барса" футболчининг жорий мавсумдаги ўйинидан қониқиш ҳис қилмоқда, аммо айни пайтда у билан ҳамкорликни давом эттиришни режалаштирмаяпти. Унга янги жамоа топиш зарурлиги ҳақида хабар берилган. 

Қайд этиш лозим, Самюэлнинг "Барселона" билан шартномаси 2026 йилгача амал қилади.