"US Open". Бугун эркаклар ўртасида ғолиб аниқланади

Америка Қўшма Штатларида теннис бўйича "Катта дубулға" таснифидаги йирик турнирлардан бири "US Open" якуний палласига келмоқда.

Эркаклар ўртасида финалга Даниил Медведев ҳамда Новак Жокович етиб келишди.

Даниил ярим финалда рейтингнинг 1-поғонасида келаётган Карлос Алькарасни мағлуб этди - 7:6 (тай-брек), 6:1, 3:6, 6:3.

Новак эса, Бен Шелтондан устун келди - 6:3, 6:2, 7:6.

Томонлар ўзаро ўйинларда 9:5 ҳисобини қайд этмоқда, бу борада Жокович олдинда. "Катта дубулға" финалларида - 1:1.