Усик - Фьюри жангида ким фаворит? Чжилей бу саволга жавоб берди

Супер оғир вазнда WBO бўйича вақтинчалик чемпион Чжан Чжилей Александр Усик(21-0, 14 КО) ва Тайсон Фьюри(34-0-1, 24 КО) ўртасидаги бўлажак жангдаги умидлари билан ўртоқлашди.

“Ким ғалаба қозонишини билмайман. Бу жангда ҳамма нарса бўлиши мумкин. Ҳаттоки, агар кимдир тайёр эмаслигини ҳис қилса, жанг бекор қилиниши ҳам ҳеч гап эмас. Фрэнсис Нганну билан жанг Фьюри учун қўнғироқ бўлди. Агар у Усикка Нганну билан бўлган жангдагидек тайёргарлик кўрса, Фьюрини катта муаммолар кутади. Айни пайтда мен Усикни маҳорати ва боксга фидойилиги ҳисобга олган ҳолда, унинг ғалаба қозонишга кўпроқ ишоняпман", — дея Чжилейнинг сўзларини келтиради BoxingScene.

Эслатиб ўтамиз, украиналик ва британияликлар ўртасидаги учрашув 17 февраль куни Ар-Риёдда бўлиб ўтади.