Вадим Абрамов "Динамо"нинг мағлубиятига қандай изоҳ берди?

Суперлиганинг 24-турида "Динамо" ўз майдонида "Локомотив"ни қабул қилди ва 1:2 ҳисобида имкониятни бой берди. Беллашувдан сўнг жамоа бош мураббийи Вадим Абрамов матбуот анжуманида иштирок этди.

- Аламли мағлубият. Яна ўз уйимизда. Футбол жазолайди. Ҳисоб 1:0 бўлиб турган пайтда гол киритиб, ҳаммасига нуқта қўйиш керак эди. Бунақаси ҳам бўлиб туради. Рақибни ғалаба билан табриклаш керак. 

- Анварни нега эрта захирага олдингиз?

- У ортга қайтмай қўйгач, қанотидаги ёш футболчи доим 2х1 ўйнашга мажбур бўлди. У чарчаб ҳам қолди. Бизда кўп футболчилар ўзи учун бегона позицияда ўйнади. Ратиньо даволанмоқда.

- Динамо футболчиларида мотивация йўқдек?

- Йигитлар нимадан чарчаган билмадим, аммо дам олиш учун уларда вақт бор. Ҳаракат қиламиз уларни руҳлатиришга. Бугун ҳам ютмоқчи эдик, ўхшамади. Мавсумни яхши нотада тугатиш керак.