Vadim Abramov "Dinamo"ning mag‘lubiyatiga qanday izoh berdi?

Superliganing 24-turida "Dinamo" o‘z maydonida "Lokomotiv"ni qabul qildi va 1:2 hisobida imkoniyatni boy berdi. Bellashuvdan so‘ng jamoa bosh murabbiyi Vadim Abramov matbuot anjumanida ishtirok etdi.

- Alamli mag‘lubiyat. Yana o‘z uyimizda. Futbol jazolaydi. Hisob 1:0 bo‘lib turgan paytda gol kiritib, hammasiga nuqta qo‘yish kerak edi. Bunaqasi ham bo‘lib turadi. Raqibni g‘alaba bilan tabriklash kerak. 

- Anvarni nega erta zaxiraga oldingiz?

- U ortga qaytmay qo‘ygach, qanotidagi yosh futbolchi doim 2x1 o‘ynashga majbur bo‘ldi. U charchab ham qoldi. Bizda ko‘p futbolchilar o‘zi uchun begona pozitsiyada o‘ynadi. Ratino davolanmoqda.

- Dinamo futbolchilarida motivatsiya yo‘qdek?

- Yigitlar nimadan charchagan bilmadim, ammo dam olish uchun ularda vaqt bor. Harakat qilamiz ularni ruhlatirishga. Bugun ham yutmoqchi edik, o‘xshamadi. Mavsumni yaxshi notada tugatish kerak.