Ван дер Сар: "Роналду доим менга энг зўр футболчи бўлишини айтарди"

"Манчестер Юнайтед"нинг собиқ дарвозабони Эдвин ван дер Сар сер Алекс Фергюсон қўл остида  Криштиану Роналду "қизил иблислар" сафида ўйнаган хотиралари билан ўртоқлашди.

"Тарихий клубда ва сер Алекс каби мураббий қўл остида ўйнаш катта фахр. Фергюсон билан муносабатларимиз жуда яхши эди: унинг набиралари менинг фарзандларим ўқийдиган мактабга боришарди.

Криштиану ақл бовар қилмасди. Машғулот бошланишидан олдин ва ундан кейин у ҳар доим спорт залида эди. Ҳеч қачон бундай оч қолган йигитни кўрмаганман. У доим менга: "Эдвин, мен дунёда энг зўри бўламан", деб такрорларди. Мен унга ҳаддан ошмасликни айтгандим, бироқ у ҳақ бўлиб чиқди", - дея ван дер Сарнинг сўзларини келтиради La Gazzetta dello Sport.

Роналду 2003-2009 йилларда "Манчестер Юнайтед"да ўйнаган. "Қизил иблислар" сафида у ўзининг биринчи "Олтин тўп"ини қўлга киритди.