Ван Дейк "Ливерпуль" таркибида ўзгаришлар кутмоқда

"Ливерпуль" ҳимоячиси Виржил ван Дейк ёзги трансферлар ойнасида клубнинг позициясидаги кутилмаларини баён этди.

- Эски ўйинчиларнинг кетиши ва янгиларининг келиши нуқтаи назаридан, бу ёз жуда муҳим бўлади деб ўйлайман. Барчамиз директорлар кенгаши олдига қўйилган вазифани уддалай олишига ишонишимиз лозим, - деди ҳимоячи.

Шунингдек, у янги мавсумда жамоа янада кучайишига ишонч билдирди. Ван Дейк "Ливерпуль" футболчиларининг ёздаги халқаро мусобақаларда иштирок этмаслигини катта афзаллик деб таъкидлади, сабаби бу мавсум олди тайёргарликка ижобий таъсир кўрсатади.