Варан қишда кетадиган бўляпти

"Манчестер Юнайтед" марказий ҳимоячиси Рафаэль Варан январь ойидаёқ сотиб юборилиши мумкин.

Франциялик футболчи сентябрь ойининг охиридан бери Премьер-лиганинг бирорта учрашувини асосий таркибда бошламади. Жумладан, Чемпионлар Лигасининг “Галатасарой"га қарши ўйинида Эрик тен Хаг Варанни қайдномага ҳам киритмади.

"SportsZone" нашри хабарига кўра, Варан клубини ўзгартирмоқчи ва январдаёқ кетишга тайёр. "Манчестер Юнайтед" ҳам уни сотишга қарши эмас.

30 ёшли ҳимоячи жорий мавсум АПЛда 12 та ўйинда қатнашиб, битта гол урди. "Transfermarkt" портали Рафаэлни 35 миллион еврога баҳоламоқда.