Velotrek bo‘yicha Toshkent Gran-pri turniri o‘tkazildi

Poytaxtimizdagi “Olimpiya shaharchasi”da velosportning trek yoʻnalishi boʻyicha “Tashkent Grand Prix” musobaqasi boʻlib oʻtdi.

8 mamlakatdan 100 nafarga yaqin sportchi ishtirok etgan turnirda Oʻzbekiston terma jamoasi aʼzolari yuqori natijalarni qayd etishdi.

Xususan, erkaklar oʻrtasidagi bellashuvlarda Sergey Rostovsev oʻzi ishtirok etgan barcha dasturda gʻalaba qozonib, 5 ta oltin medalga sazovor boʻldi. Ayollar oʻrtasidagi bahslarda esa Nafosat Kozieva 1 ta oltin va 3 ta kumush medalga ega chiqdi.