Вейналдум ёзда собиқ устозининг жамоасига ўтади

"Ливерпуль" ярим ҳимоячиси Жоржиньо Вейналдум мерсисайдликлар билан амалдаги шартномани узайтиришни хоҳламади ва фаолиятини қаерда давом эттириш бўйича якуний қарорга келди.

Mirror нашрининг ёзишича, голландиялик футболчининг янги жамоаси “Барселона” бўлади. Унинг айнан “кўк-анор ранглилар” сафига ўтаётганининг асосий сабаби, “Барса”ни ҳозирда Рональд Куман бошқараётганидир. Улар бунгача Голландия терма жамоасида бирга фаолият олиб борган.

Вейналдум “Ливерпуль” сафида 2016 йилдан буён тўп суриб келмоқда. У жорий мавсум 23 та ўйинда майдонга тушди ва 2 та гол урди. Унинг мерсисайдликлар билан амалдаги шартномаси ёзда ўз ниҳоясига етади.

Матнда хатолик топсангиз, ўша хатони белгилаб, бизга жўнатинг (Ctrl + Enter)