Винисиус, Мбаппе ва Беллингемни “Реал”да нималар кутяпти?

“Реал” хўжайини Флорентино Перес журналистларнинг жамоа юлдузлари – вингер Винисиус Жуниор, ҳужумчи Килиан Мбаппе ва ярим ҳимоячи Жуд Беллингемнинг келажаги ҳақидаги саволига жавоб берди.

- Мбаппе ҳам дунёдаги энг яхши футболчилардан бири. Қайд этаётган статистикасига қарашнинг ўзиёқ унинг қанчалик ажойиб футболчи эканини тушуниш учун етарли. Бундай феноменал футболчининг мақомига ҳеч ким шубҳа қилмаслиги керак. У бизга катта фойда келтиради ва “Реал”да улкан муваффақиятларга эришишига ишонаман.

-  Биз Мбаппе, Винисиус ва Беллингемни асосий таркибда кўрамизми?

- Гап фавқулодда маҳоратли футболчилар ҳақида кетмоқда. Бу ҳар қандай йирик клуб ўз сафида кўришни истайдиган ўйинчилар. Улар бизда экани – катта бахт. Албатта, улар “Реал”да қолади, - деди Перес. Унинг сўзларини AS нашри келтирган.

Ўтган мавсумда Винисиус клуб сафида барча мусобақаларда 53 та ўйин ўтказиб, 22 та гол ва 12 та голли узатма амалга оширди.

Мбаппе ҳисобида 44 та ўйин, 42 та гол ва 7 та ассист мавжуд. Беллингем эса 40 та ўйинда қатнашиб, 8 та гол ва 5 та голли узатма қайд этди.