Винисиус: "Мухлисларнинг баннери менга мотивация берди"

"Реал Мадрид"нинг бразилиялик юлдузи Винисиус Жуниор Хосеп Гвардиола бошчилигидаги "Манчестер Сити"га қарши баҳсдан сўнг мухлисларнинг баннери ва келажаги ҳақида гапирди. 
 
“Мен “Сити” мухлисларининг баннерини кўрдим. Бу эса менга янада кўпроқ мотивация берди. Агарда рақиб мухлислар бирор нарса қилишса, бу менга ажойиб ўйин ўтказиш учун кўпроқ куч беради" 

Менинг келажагим? Бу саволни клуб президентига бериш керак. Бу ерда узоқ вақт қолишга умид қиламан. Бу менинг уйим ва мен бу ерда тарих ёзмоқчиман. 
 
Ким гол уриши ёки ким ўйиннинг энг яхши футболчиси эканлиги муҳим эмас. Биз "Реал Мадрид"ни энг юқори даражага олиб чиқиш учун шу ердамиз. Энг муҳими бизнинг ғалабамиз" - дея саволларга жавоб бериб ўтди.
 
Маълумот ўрнида, 24 ёшли футболчи "шаҳарликлар"га қарши баҳсда 90 дақиқа майдонда ҳаракат қилиб, сўнгги голга ассистентлик қилди. Унинг ушбу ҳаракатларини "Sofascore" портали 8.2 баллга лойиқ кўрди. 
 
Жуниор жорий мавсум "қироллик клуби" сафида 30 та беллашувда иштирок этиб, 16 та гол ва 11 та голли узатмага муаллифлик қилган.