Винисиус "Реал" билан келиша олмаяпти!

Винисиус Жуниор “Реал Мадрид”нинг дастлабки таклифни рад этди, деб хабар бермоқда Марио Кортегана. 
 
Таниқли ёзувчининг хабар беришича, бразилиялик юлдуз “қироллик клуби”нинг шартномани узайтириш бўйича илк 15 миллион евролик таклифини рад этган. Манбага кўра, футболчи ўзининг ойлик маошини Килиан Мбаппеникидан юқорироқ бўлишини хоҳламоқда. Музокаралар эса ҳали ҳамон давом этмоқда. 
 
Хабарингиз бор, Винисиус сўнгги ўйинлардаги қониқарсиз ҳаракатлари ва натижалари сабаб, унинг Саудия клубларига ўтиш ҳақидаги миш-мишлар кўпайиб бормоқда. 
 
Маълумот ўрнида, 24 ёшли ҳужумчи бу мавсум “қаймоқранглилар” сафида 28 та учрашувда қатнашиб, 16 та гол ва 10 та голли узатмага муаллифлик қилди. Унинг клуб билан амалдаги шартномаси 2027 йилгача мўлжалланган бўлиб, Тransfermarkt порталидаги нархи 200 миллион евро деб баҳоланмоқда.