Винисиус: "Роналду билан бир жамоада ўйнай олмаганимдан афсусдаман"

"Реал Мадрид" вингери Винисиус Жуниор Криштиану Роналду билан бирга ўйнашни орзу қилганини тан олди.

Бразилия терма жамоаси ва Мадриднинг "Реал" клуби футболчиси Винисиус Жуниор Криштиану Роналду "қироллик клуби"ни тарк этганидан сўнг унинг ўрнига олиб келинган эди. Футболчи ўз интервьюсида Роналду билан бирга ўйнай олмагани ҳақида гапирди.

"Афсуски, менга Криштиану билан бирга ўйнаш насиб қилмади. Айнан мен "Реал"га келганимда у жамоадан кетгани жуда ачинарли бўлди. Аммо мен бошқа буюк футболчилар билан бир клуб шарафини ҳимоя қилдим, шунинг учун шикоят қилишга ҳожат йўқ. Жамоадошларим Карим Бензема, Лука Модрич - улар ҳам жуда зўр футболчилар", - деди Вини.

Маълумот учун, Криштиану Роналду 2023 йилдан буён "Ан-Наср" клуби шарафини ҳимоя қилиб келмоқда.