Винисиусдан қўрқмайман!

“Арсенал”нинг янги вингери Христос Цолис “Реал” юлдузи Винисиус Жуниор жамоага келиши мумкинлиги уни хавотирга солмаётганини айтди.

Лондонликлар бу ёзда Цолисни “Брюгге”дан 34 миллион фунт стерлинг эвазига сотиб олди. Грек футболчиси аллақачон ўзини кўрсатишга улгурди ва ўтган шанба куни “Жирона”га қарши ўртоқлик учрашувида гол урди.

“Арсенал” ҳали ҳам Винисиусни ўз сафига қўшиб олиш учун ҳаракат қилмоқда. Бироқ Цолис ким рақобатчи бўлишидан қатъи назар, ўз имкониятларига ишонишини таъкидлади.

- Мен ўзига ишонган футболчиман. Шунинг учун келажак ҳақида ёки клуб бу позиция бўйича қандай қарор қабул қилиши ҳақида ўйламайман.

Мен фақат ўз ўйинимни яхшилаш ва жамоага тезроқ мослашиш ҳақида ўйлайман. Мавсум бошиданоқ жамоа билан машғулот ўтказиш, ўртоқлик учрашувларида қатнашиш ва кейин расмий ўйинларга тайёрланиш имкониятига эгаман.

Энди мен ўз фазилатларимни намоён қилишим ва жамоага нима бера олишимни исботлашим керак. Яқин ўйинларда буни кўрсатишимга ишонаман.

Дунёнинг энг кучли жамоаларидан бирида ўйнаш — ажойиб имконият. Мен бу ерда ривожланишни ва энг юқори даражага чиқишни истайман- деди Христос Цолис.