Винисиусга Англиядан жамоа топилди

“Реал” ҳужумчиси Винисиус Жуниор фаолиятини Англияда давом эттириши мумкин. Fichajes нашри хабар беришича, бразилиялик футболчини ўз сафига қўшиб олишга “Манчестер Юнайтед”  бел боғлаган.

Мадридликлар эса, клуб билан шартномасини узайтиришга шошилмаётган ўйинчисини келаси ёзда  тахминан 150 миллион евро атрофидаги суммага сотиш вариантини кўриб чиқишга тайёр.

Винисиус Жуниор 2018 йилда “Фламенго”дан “Реал”га 45 миллион евро эвазига кўчиб ўтган эди.

Унинг мадридликлар билан амалдаги шартномаси 2027 йилнинг 30 июнгача амал қилади. Жорий мавсумда ҳужумчи “Реал” сафида 26 та ўйин ўтказиб, 5 та гол урди ва 8 та ассист муаллифи бўлди.

Transfermarkt портали Винисиуснинг қийматини 150 миллион евро деб баҳоламоқда.