Виталия Дьяченко бош совринга яқинлашди

Россиялик Виталия Дьяченко Тайваннинг Тайбэ шаҳрида ўтаётган "Челленжер" мусобақасининг сўнгги ҳал қилувчи финал босқичига йўл олди.

Виталия турнирнинг ярим финалида черногориялик Данка Ковинични 6:3, 6:2 ҳисобида мағлуб этди ва бош соврин учун курашни давом эттирадиган бўлди.

Шу тариқа Дьяченко, сўнгги ҳал қилувчи финал босқичида венгериялик Тимеа Бабош ёки болгариялик Виктория Томова билан рақобатлашади.