Витинья ПСЖ афсонасини ортда қолдириб, рекордини ўрнатди
Энди ҳар бир ўйини рекорд бўлади
ПСЖ ярим ҳимоячиси Витинья жамоа сафида 212-учрашувини ўтказди. 26 ёшли футболчи Лига 1 доирасида «Ле Ман»га қарши уйдаги баҳснинг 59-дақиқасида захирадан майдонга туширилди.
Орaдан кўп ўтмай, парижликлар икки бор рақиб дарвозасини ишғол этиб, иродали ғалабага эришди – 3:1.
ParisSG INFOS нашри хабарига кўра, Витинья ПСЖ таркибида майдонга тушган ўйинлар сони бўйича клуб тарихидаги энг самарали португалиялик футболчига айланди. У шу кўрсаткич бўйича жамоанинг собиқ юлдуз ҳужумчиси, мухлислар севимлиси Педру Паулетани (211 ўйин) ортда қолдирди.
Витинья 2022 йилнинг ёзида «Порту» клубидан ПСЖга ўтган эди. Шу вақтга қадар у парижликлар сафида 212 учрашувда майдонга тушиб, 27 та гол урди ва 25 марта жамоадошларини гол уришга ундаган ҳал қилувчи паслар муаллифи бўлди.
Изоҳлар (0)