ВХЛ давом эттирилади, фақат...

Олий хоккей лигаси (ВХЛ) мавсумнинг тўхтаб қолган қисмидан виртуал тарзда давом эттирилишини маълум қилди. Унга кўра, ҳар куни ВХЛнинг ижтимоий тармоқларида овоз бериш услубида "виртуал ўйинлар" бўлиб ўтади. Айнан овоз бериш якунларига кўра, ғолиб жамоа номи эълон қилинади.

Эслатиб ўтамиз, плей-офф баҳслари 4 та ғалабага қадар давом этади. "Учрашувлар" 12 соат давом этади (Тошкент вақти билан  10:00-22:00).

Бугун, яъни 14  апрель санасидан бошлаб чорак финал босқич баҳслари "давом эттирилади". Эслатиб ўтамиз, Тошкентнинг "Ҳумо" жамоаси серияда "Звезда" клубига 1:3 ҳисобида имкониятни бой бераётган эди.

Фикрлар

Фикр қолдириш учун авторизациядан ўтинг!