WBC Гран-приси бошланмоқда. Бугун неча нафар боксчимиз ўз жангларини ўтказади?

Бугун Саудия Арабистони пойтахти Ар-Риёд шаҳрида бокс бўйича WBC Гран-приси бошланади.

Аввал хабар берганимиздек, мусобақада жами 5 нафар ҳамюртимиз баҳс олиб боради. Турнирнинг илк куни доирасида ярименгил вазн тоифасидаги беллашувларга старт берилади. Унда ҳамюртимиз Аюбхон Бахтиёров иштирок этади.

Бахтиёровга дастлабки босқичда Франция вакили Жамал Хажаб рақиблик қилади. Бугунги жанглар Тошкент вақти билан соат 18:00 да старт олиши режалаштирилган. Бу ҳақда Ўзбекистон профессионал бокс федерацияси хабар бермоқда.

Маълумот учун, Гран-прида Бахтиёровдан ташқари Мужибилло Турсунов, Лазизбек Мулложонов, Камронбек Эшматов ва Суҳроб Қаюмовга ҳам мухлислик қиламиз.