Хаби Алонсо бўлажак учрашув ва кўплаб футболчиларнинг ҳолати ҳақида гапирди (матбуот анжумани)

"Реал Мадрид" бош мураббийи Хаби Алонсо "Эспаньол"га қарши ўйин олдидан матбуот анжуманида иштирок этиб, кўплаб қизиқарли саволларга жавоб берди.

— "Эспаньол" билан баҳс ҳақида:

"Ҳозир рақиб яхши формада. Бу оғир ўйин бўлади, чунки улар кучли. Лекин биз уйда ўйнаймиз ва сифатли футбол кўрсатишимиз шарт".

— Мбаппе ягона муҳим футболчими?

"Йўқ. Бизда кўп ўйинлар бор ва табиийки, у баъзиларини ўтказиб юборади. Ҳеч ким барча ўйинларда қатнашолмайди. У жуда муҳим, лекин доимий равишда асосий таркибда бўлмайди".

— Хаусеннинг дисквалификацияси ҳақида:

"Ростини айтсам, ҳайратда қолмадим. Бошқача натижа бўлишини истардим, аммо қоида бузилса, оқибатлари бўлиши шарт. Қоидалар шундай".

— Винисиус мотивациясини йўқотдими?

"Йўқ, у билан ҳаммаси яхши. Кеча гаплашишга тўғри вақт бўлмади. Бугун мулоқот қилиб, бирга машғулот ўтказдик".

— Федега позицияси ҳақида суҳбат:

"Ғоя шундаки, у ярим ҳимояда ўйнаши керак. У ерда жамоага кўпроқ ёрдам беради. Аммо футболда нималар бўлишини олдиндан билмайсан".

— Беллингем ва Камавинга тайёрми?

"Уларнинг ўйнаш эҳтимоли бор, гарчи оз машқ қилишган бўлса ҳам. Ҳолатга қараб баҳолаймиз".

— Нима кутмоқдасиз?

"Охирги ўйинларда кўп нарса карточкалар ёки ҳолатларга боғлиқ бўлди. Эртага кўпроқ назоратга эга бўлишга умид қиламан. Креативлик ва барқарорликни кўришни хоҳлайман — бу хатолар ва ортиқча босимни камайтиради".

— Родриго ва Винисиусни солиштириш:

"Родригода сифат, узатиш ва ҳамкорлик бор. Винида ҳам шу нарсалар мавжуд. У асосий таркибда бўладими ёки захирадан тушадими — таъсири доимо катта".

— Камавинга қаерда ўйнаши керак?

"Ярим ҳимояда. Федерикодек у ҳам универсал, лекин марказда у энг самарали. Ҳозир асосий таркибда мустаҳкамланиши зарур".

— Ўзини мураббий сифатида баҳолаш:

"Ўзимни таърифлашга одатланмаганман. Мен фақат мураббийман. Яхшими ёмонми — бунга сизлар баҳо беринг".

— Винисиуснинг диққати ва жамоа ҳақида:

"Бизда кўп муҳим футболчилар бор: Винисиус, Жуд, Феде, Орельен, Дин, Арда. Ҳар бири жуда қимматли. Улар ўзларини жамоа уларга муҳтожлигини ҳис қилишлари керак. Биз биргаликда олға юришга мажбурмиз".