Хаби Алонсога кутилмаган суперклубдан иш чиқди

Испаниялик мутахассис Хаби Алонсо “Челси” раҳбарияти янги бош мураббий сифатида кўриб чиқаётган уч мураббий қаторига киритилди.

Бу ҳақда The Sun хабар қилди.

Манбага кўра, Лондон суперклуби айни пайтда ишсиз юрган Хаби Алонсодан ташқари Англия Премьер-лигасида муваффақиятли ишлаётган яна икки мутахассис билан ҳамкорлик қилишни кўзлаб турибди.

Булар – “Фулхэм” бош мураббийи Марку Силва ва мавсум охирида “Борнмут”ни тарк этадиган Андони Ираола. “Челси” ушбу уч мутахассис билан музокара ўтказишни ва улар орасидан энг маъқулини танлашни режалаштирган.

Эслатиб ўтамиз, “Челси” жамоа ўйинидаги муваффақиятсизликлардан кейин яқинда тайинланган бош мураббий Лиам Росеньорни вазифасидан озод этган эди.