Хабиб Нурмагомедов ва Ислом Махачев нима бу қадар муваффақиятли? Таниқли шарҳловчи барча сирларни очиб ташлади

UFC нинг таниқли шарҳловчиси Жо Роган россиялик Хабиб Нурмагомедов ва Ислом Махачевнинг жаҳон ММА аренасидаги муваффақияти ҳақида гапирди.

"Хабиб ва Исломнинг машғулотлари ниҳоятда машаққатли. Шу сабаб улар кучли чидамлиликка эришган. Уларнинг интизоми тенгсиз даражада. Қизлар, телефонлар, видео ўйинлар ёки бошқа чалғитадиган нарсалар йўқ. Уларнинг кун тартиби овқатланиш, дам олиш ва машғулотдан иборат холос. Шунинг учун Махачев ва Нурмагомедов ҳали ҳамон ажойиб спорт формасида" - деди Роган ўз подкастида.

Эслатиб ўтамиз, Ислом Махачев охирги жангида бразилиялик Ренато Мойканони 1-раунддаёқ сабмишн эвазига мағлуб этганди.