"Xanchjou-2022. Akademik eshkak eshish bo‘yicha muvaffaqiyatli natija

"Xanchjou-2022": Akademik eshkak eshish bo‘yicha O‘zbekiston terma jamoasi bugungi kun bahslarini muvaffaqiyatli o‘tkazdi. Dasturga ko‘ra, ushbu kun doirasida faqatgina ayollar o‘rtasida engil vaznli sportchilarimiz bahs olib borishdi. Luizaxon Islomova hamda Malika Tagmatova juftligi 2-saralash bosqichida marra chizig‘ini birinchi bo‘lib kesib o‘tdi va A finali yo‘llanmasiga ega chiqdi.