Хавьер Мендес: "ММА ва бокс ҳақиқий спорт эмас"

Таниқли мураббийи Хавьер Мендес ММА ва бокс спортнинг классик таърифига тўғри келмаслигини таъкидлади.

"ММА - ҳақиқий спорт эмас ва ҳеч қачон бундай бўлмаган. Шунингдек, бу таъриф боксга ҳам тегишли.  Чунки бу спорт турларида томошабинни экран олдига тўплаш учун кимлар жанг қилишини маълум бир шахслар белгилайди. Масалан, боксчилар кимдир билан жангдан бош тортишлари ва хотиржамлик билан мусобақани давом эттириши мумкин. Анъанавий спорт турларида эса рақибнии танлаб бўлмайди. Ёки бошқа мисол, Пэдди Пимблетни олайлик. У ажойиб йигит. Унга чемпионлик жангини бериш керакми? Одатда, спортда бундай ҳуқуқ берилиши мумкин. Аммо UFC да  нафақат кўплаб ғалабалар, балки томошабинларнинг сизга муносабати ҳам катта имкониятлар эшигини очади", - деди Мендес ўзининг You Tube каналида.

Маълумот учун, Хавьер Мендес АКА спорт зали асосчиси ҳисобланади.