Хаверц Жезусдан ўзиб кетди

"Арсенал" ҳужумчиси Кай Хаверц ўтган дам олиш кунлари "канонирлар" сафида гол уриш бўйича жамоадоши Габриэль Жезусни ортда қолдирди.

Германиялик футболчи Англия Премьер-лигасининг 7-турида “Саутгемптон”га (3:1) қарши кечган ўйинда рақиб дарвозасини ишғол қилишга эришди.

Хаверц шу тариқа “Арсенал” сафида гол уриш бўйича бразилиялик жамоадоши Габриэль Жезусни ортда қолдирди. Таъкидлаш керакки, Жезус шу кунгача “канонирлар” таркибида 77 та ўйин ўтказиб, 19 та гол уришга муваффақ бўлган. Ҳаверц эса 61 та ўйинда майдонга тушган ва 20 та гол урган.

Эслатиб ўтамиз, Ҳаверц "Арсенал"да Жезусдан камроқ мавсум ўтказган. У Лондон клубига 2023 йилнинг ёзида келиб қўшилган. Жезус эса 2022 йилнинг ёзидан бери "Арсенал" шарафини ҳимоя қилиб келмоқда.