Хави: "Барселона"ни тирик, деб айта оламан

Хавининг фикрича, "Барселона" Чемпионлар лигаси ярим финалига чиқа олади. 

"Мен жамоам билан фахрланаман. Ана энди фахрланиш вақти келди. 

ПСЖ ҳамон фаворит бўлиб қолмоқда. Биз уларга ўз ўйинини кўрсатишга имкон бермадик. Босим жуда юқори эди, айниқса, биринчи таймда. Мазкур жамоага қарши ҳимояланиш жуда қийин, аммо биз уддаладик. 

Футболчилар ишонишади. Агар шундай ўйнашда давом этсак, ярим финалга чиқиш имкониятимиз бўлади. Бироқ ҳали ҳеч нарса ҳал бўлмаган. 

Мен жамоанинг ишидан мамнунман. Барселонада бизга қийин бўлади. Шундай бўлса ҳам мен "Барселона"ни тирик, деб айта оламан", - деди "кўк-анорранглилар" устози.