Хави энг катта хатосини тан олди

“Барселона” жорий мавсумда бирорта нуфузли совринни қўлга кирита олмади.

Бош мураббий Хави Эрнандес жамоа ўйинини шакллантиришда катта хатога йўл қўйгани ва бу охир-оқибат натижага таъсир кўрсатганини тан олди.

- Мураббийлар штабимиз катта муваффақиятсизликка учради. Биз яққол таянч ярим ҳимоячисиз ўйнашга қарор қилдик ва адашдик.

Биз майдонда мувозанат ўрнатишимиз керак эди.  Айнан ман шу нарсани қилмаганимиз энг катта хатомиз бўлди.

Биз кенг ҳудуд бўйлаб ва тўпни эгаллаб олишда устунликни қўлдан бой бердик. Бу хатоларнинг барчаси мураббийлар штабига тегишли. Янги мавсумда бу камчиликларни йўқотишимиз керак, - деди Хави Эрнандес.