Хилл:"ММА кикбоксинг эмас, Перейра !"

 Ярим оғир вазн тоифасида собиқ UFC чемпиони Жамол Хилл(12-1-1 N/C) амалдаги чемпион Алекс Перейра(9-2)га таҳдидли хабар қолдирди.

“Алекс ажойиб кикбоксчи. У ҳаммага ғалаба қозона олишини кўрсатди, аммо ММА кикбоксинг эмас. Спорт залига кирганимдан бери кикбоксчилардан устунлик қиламан. Мен ҳар доим професционаллар билан спаринг қилдим. Ҳеч қандай ҳаваскорлар йўқ эди. Ким чемпион бўлса, қайтганимда рақибимга айланади. Ўйлашимча, бу Перейра бўлади. Бунга ҳеч қандай шубҳам йўқ", - дея Хиллнинг сўзларини келтиради Middle Easy.

Эслатиб ўтамиз, ўтган йилнинг январь ойида Хилл Гловер Тейшейрани очколар бўйича мағлуб этиб, вакант чемпионликни қўлга киритган эди. Аммо ёзда у чемпионликдан воз кечганди.