Хитойликлар италиялик 23 ёшли футболчи учун 100 млн евро тўлашга тайёр
Ads

 

Хитой Суперлигаси вакили – “Тяньцзинь Цюаньцзянь” клуби “Торино” жамоаси ҳужумчиси Андреа Белоттига қизиқиш билдирмоқда. Бу ҳақда Tuttosport нашри маълум қилди.

Маълум бўлишича, Фабио Каннаваро бош мураббийлиги остидаги Хитой клуби 23 ёшли футболчининг шартномасида белгиланган 100 млн евро товон пулини тўлашга тайёр.

Бироқ “Тяньцзинь Цюаньцзянь” Белотти борасида расмий таклиф билан ҳозирча чиқмади. Музокаралар яқин орада бошланиши кутилмоқда.

Аввалроқ Андреа Белоттига Лондоннинг “Арсенал” жамоаси қизиқиш билдирганди.