Хоккей. "Ҳумо" бугун плей-оффдаги илк сафар ўйинини ўтказади

Қозоғистон Про-лигасида чемпионлик учун курашаётган Тошкентнинг "Ҳумо" хоккей клуби бугун плей-офф доирасидаги илк сафар учрашувини ўтказади.

"Қанотлилар" бугун 1/4 финал доирасида "Горняк"га қарши музга тушишади. Ушбу ўйин Тошкент вақти билан соат 18:00 да бошланади.

Эслатиб ўтамиз, "Ҳумо" ўтган ҳафта Тошкентда "Горняк"ни қабул қилган ва иккала учрашувда ҳам ғалаба қозонган эди.