Хоккей. "Ҳумо" ўз тарихида энг узоқ вақт давом этган ўйинда "Номад" га имкониятни бой берди

Қозоғистон Про-лигасида чемпионлик учун курашаётган “Ҳумо” кеча сафарда “Номад”га қарши финал сериясининг 3-учрашувини ўтказди.

Афсуски, Остонадаги ўйинда 2:1 ҳисобида мезбонларнинг қўли баланд келди. Ғолибни аниқлаш учун жамоаларга 3та қўшимча вақт керак бўлди ва бу ўйин “қанотлилар” учун тарихдаги энг узоқ давом этган ўйин бўлди.

Эслатиб ўтамиз, бугун ушбу жамоалар Остонада финал сериясининг 4-ўйинини ўтказишади. Ушбу баҳс Тошкент вақти билан соат 16:00 да бошланади.