Холанд: Бу энди аввалги “Сити” эмас!

“Манчестер Сити” етакчи ҳужумчиси Эрлинг Холанд охирги икки трансфер ойнаси даврида жамоа таркибида жиддий ўзгаришлар рўй берганига муносабат билдирди.

Хусусан, манчестерликлар ўтган ёзнинг ўзида 200 миллион еврога янги ижрочиларни олиб келди ва чиқиш трансферларидан 70 миллион евро ишлаб олди. 2025 йилнинг январида Абдуқодир Ҳусанов, Умар Мармуш, Нико Гонсалес ва Витор Рейс учун “Манчестер Сити” 200 миллион евродан кўпроқ маблағ сарфлаган эди.

- Жамоадан жуда кўп муҳим ўйинчилар кетди ва энди янги келганлар ўз сўзини айтиши керак. Бу жамоада анчадан бери ўйнаб келаётган, хусусан ўзим ҳам, масъулиятни бўйнимизга олишимиз керак. Шунингдек, янги келганларнинг жамоага тезроқ мослашиб кетишига кўмаклашишимиз муҳим аҳамият касб этади.

Табиийки, айрим футболчиларга янги шароитга мослашиш учун вақт керак бўлади. Биз бир биримизга ёрдам беришимиз лозим. Ўтмиш ортда қолди. Энди “Сити” аввалгидек эмас, ўзгаришлар катта бўлди. Бундан фойда чиқариш мумкин, чунки бизда умуман бошқа сифатлар пайдо бўлди, - деди Эрлинг Холанд.