Холанд ҳаётини жанжалкаш Балотеллига топширмоқчи

“Манчестер Сити” тўпурари Эрлинг Холанд Британия оммавий ахборот воситалари ходимлари саволларига жавоб берар экан, ўз ҳаётини кимга ишонишини ҳам айтди.

- Ҳаётимни кимга ишонишим мумкин?

Биринчи навбатда, ўзимга. Чунки мен ўзимнинг қобилиятларимга қаттиқ ишонаман. Агар бирор бошқа одамни танлаш керак бўлса, Марио Балотеллига. У мен рўбарў келганларим орасида энг зўри. У ҳақиқатан ажойиб йигит. Шу боис, ҳаётимни унга ва ўзимга ишонаман.

Кимсасиз оролга кимни олиб кетардим?

Албатта, Кевин де Брюйнени. У ўша ерда ҳам менга энг зўр голли пасларни оширарди. Шунингдек, ота-онамни ҳам обораман. Улар менга ғамхўрлик қилиб, миллий таомларимиздан пишириб беради, - деди Холанд.